Viaxe literaria a Celanova

A finais do mes de maio, como colofón e recompensa polo esforzo, o alumnado do Club de lectura e dúas profesoras do IES Xoán Montes realizamos unha viaxe literaria a Celanova, onde puidemos visitar a casa do poeta Curros Enríquez, o Mosteiro de San Salvador, co oratorio visigodo de San Miguel, e a biblioteca do actual IES, antigo scriptorium do mosteiro. Pola tarde realizamos un roteiro literario recitando poemas dos principais poetas de Celanova e dirixímonos ao pobo de Vilanova dos Infantes, aldea natal do escritor Xosé Luís Méndez Ferrín. A experiencia foi moi satisfactoria e a resposta dos rapaces mellor da esperada, mesmo gran parte deles agradecéronnos ao día seguinte a oportunidade que lles déramos. Esperamos poder repetir esta actividade nos próximos anos.

Roteiro literario on PhotoPeach