![](https://blogger.googleusercontent.com/img/b/R29vZ2xl/AVvXsEgD3tBIvSjoWyIV3p_hV3Dg6eX463YEe9eZJj0ZgPZ_khe2LAcK3FYkMzIk9uLzhGKF8Xe2yTtrEhG9H5yOXdhNCb2UuqmhdyMwg3Bb6ndGtmKW6Dh4W3BVN9Sp_cw0bW_E-37hHkzexT-l/s200/Captura-de-pantalla-2018-06-08-a-las-12.33.33.png)
Así mesmo, tamén na novela xuvenil de Antonio M. Fraga, un bestiario sérvelles aos dous rapaces protagonistas como guía na busca da súa identidade, a perda da infancia, os misterios da vida, as lealdades e a cultura.
No Sanatorio de Oza, ese labirinto de Creta, pero con conserxe ao Harry Potter, atoparán unha mestra da República que reclama mellores orzamentos para a educación e menos aulas masificadas, tratando de inculcar o amor polos libros. Esa mestra existiu, chamábase Elvira Bao e o autor faille unha homenaxe, o mesmo que á científica Ánxeles Alvariño, de quen toma para a súa Anxos Nogueirosa a determinación e o carácter que debe ter todo investigador.
E Galicia como decorado: os lugares existen, as historias tamén. Os mitos patrios e a historia do noso pobo seguen a ser unha referencia.
No hay comentarios:
Publicar un comentario