El curioso incidente del perro a medianoche, de Mark Haddon

Este autor escribiu gran cantidade de libros para nenos, un poemario e tamén participou na creación de guions de series e películas de televisión. Ademáis, traballou un tempo con persoas con discapacidades físicas e mentales, o que lle permitiu escribir esta historia na que o protagonista padece un trastorno do espectro autista.

 Foi un libro que gustou bastante en xeral, grazas en parte á forma inocente de escribir, evocando a un pequeno. Ademáis, o protagonista foi bastante querido por todos, pois, desprendía certa tenrura. É certo que a algúns puido parecerlles que o tema principal entorno ao cal xira a historia é moi básico e simple, pero temos que pensar que é unha novela que intenta imitar os pensamentos e a forma de escribir dun neno, eso é o que a fai especial.
 Recomendamos esta novela se o que queres é ler algo diferente e saber o que pode pensar unha persoa con autismo en diversos momentos da vida cotiá.

Por Carlota, 4º ESO

O Incrible caso de Barnaby Brocket , de Jhon Boyne

Receita caseira para problemas de discriminación 

 Se unha persoa sente frecuentemente a necesidade de medir aos demais polo modelo social imperante, ese que produce máis vítimas e infelicidade que as guerras, debe saber que se trata dunha afección moi común que pode ser atallada con remedios naturais caseiros ata erradicala para sempre. 

Se á patoloxía lle chaman “anormalidade” e presenta máis cabezas que a famosa Hidra - a anormalidade física (“que gorda te estás poñendo”), a social (“a onde vas con esas pintas?”), a vital (“30 anos e aínda non tes noivo?”), a moral (“non será que non che gustan os homes? Miña madriña!!!”) - o labirinto de posibilidades pasa a ser infinito. Ningunha persoa puido xamais cumprir con tantos requisitos de perfección: unha saúde envidiable, un adecuado benestar económico, unha estabilidade familiar perfecta, un recoñecemento social absoluto…Non existe a perfección, aínda que os mass media pretendan que comulguemos con rodas de muíño.

 Na obra O Incrible caso de Barnaby Brocket, John Boyne amósanos o verdadeiro rostro dunha traxedia mil veces agochada. En clave fantástica ese neno que flota representa a todos os cativos que son rexeitados polos seus país (e gran parte da sociedade) ante a evidencia de ser diferentes, anormais. 

 Pero o alumnado do club de lectura albiscou claramente a verdade: os anormais son aqueles que desprezan, que discriminan, que culpabilizan. Eses país que prefiren ocultar o problema, mesmo desfacerse del, poñen contra as cordas ao lector – somos o suficientemente fortes para afrontar determinadas complicacións na nosa existencia? Saberiamos nese caso dotar a un fillo das armas adecuadas coas que encarar unha vida chea de obstáculos? A resposta dos lectores cativos foi un rotundo si, avalando a firmeza do protagonista, que ao final decidiu convertir a súa diferencia en aptitude.

 Por iso, ante tanta barbarie e crueldade, dende o Club de Lectura recomendamos preparar unha infusión con respeto, cariño, empatía e boa educación. Unha vez feita, deixaremos reposar, e procederemos a lavados frecuentes de bocas e cerebros.

A clase, de Fr. Bégaudeau

 A novela está ambientado nunha escola dos suburbios da cidade de París amósasenos un pouco a vida dun profesor de francés, que debe ensinar a moitos adolescentes coas mesmas poucas gañas que el de estar nese lugar. O comportamento do alumnado fai que a moral deste profesor mal pagado acabe polo chan. Demasiadas culturas agrupadas nun pequeno espazo crean o microcosmos dunha Francia contemporánea. 

 Aínda que sendo un libro cun tema psicolóxico que a dicir verdade nos incumbe bastante, non foi un libro que gustase moito, mais que nada pola maneira de contarse que outra cousa, porque o libro resultounos pesado de ler e fixo que non nos gustase demasiado. Aínda así, na reunión discutimos como nos sentiamos nós, que estudamos nun instituto cunhas realidades sociais moi distintas ás dos protagonistas, con respecto ao ensino-aprendizaxe, as relacións cos compañeiros e a nosa vida como adolescentes. 

 Esta historia foi levada polo director Laurent Cantent á gran pantalla. Aquí podes ver un tráiler da 

mesma.

  Por Abraham, 1º BAC

La tumba de Aurora K, de Pedro Riera

Este libro es ante todo un libro concienciativo, un libro que nos habla de algo tan duro como la guerra y todas las consecuencias que algo así acarrea, no solo para quienes la viven, si no para todos los descendientes de ambos bandos, descendientes que acaban heredando odios y exaltaciones extremas de ideas que ni si quieran entienden, que heredan el exilio, la política, la sociedad construida en base al terror.
En este libro Pedro Riera nos habla a través de la voz de la pequeña Anna, una adolescente hija de exiliados por culpa de la guerra. Una guerra inventada por el propio autor, entre tavaros y urenos, pueblos de la Europa del este que bien podrían recordarnos a ciertos hechos que sucedieron realmente. 

 Anna se acercará a las atrocidades acontecidas durante la guerra mientras se hace preguntas sobre su propia identidad, sobre el bien y mal, sobre la naturaleza de las personas, mientras a su alrededor comienzan a ocurrir las típicas cosas de toda adolescencia: amores, peleas entre amigas, problemas familiares... Todo esto desde un lenguaje sencillo y con un ritmo rápido y repleto de giros sorprendentes.

 Anteriormente había leído a este autor con su saga Hombre Lobo, pero no me convenció demasiado, sin embargo, con este libro me he reconciliado completamente con él. Es un libro que merece ser leído.

 En general, gustó a todos los miembros del Club de lectura. El personaje favorito de todos(sobre todo de las chicas) fue Danylo, mientras que el más odiado fue Sonia Brachko.

Como recomendacion personal,os aconsejo poneros música de "Los Ramones", un grandioso grupo al que se le hace referencia en el libro, aunque también os recomiendo la canción "Civil War" de "Guns and Roses",cuya letra me hizo pensar mucho en la trama de la historia.

Por Steven, 3º ESO

Jules Verne e a vida secreta das mulleres planta, de Ledicia Costas

Verne non necesita ser ficcionado, pois a ninguén se lle escapa que el xa foi en vida un personaxe de novela: viaxeiro incansable, explorador do mundo, aventureiro e visionario. Non precisamos velo como o gardián de segredos ancestrais en lugares ignotos, dado que a súa obra e a súa intuición nos abruman e sorprenden.

Pero esas son as licencias literarias da imaxinación: pódese mesturar ficción e realidade a partes iguais, botar man de personalidades reais e inventadas,  de localizacións auténticas e ficticias. 

Na obra de Ledicia Costas resultan interesantes as referencias históricas (un dos seus personaxes, Antonio Sanjurjo, foi un inventor coruñés que probou con éxito un prototipo de submarino)  e a ubicación da narración en Vigo (Jules Verne visitou a cidade galega en varias ocasións) é un guiño aos lectores novos que resulta atinado.

Pero a historia trascende a realidade, e nun alarde de verdadeira inventiva verniana, Costas lévanos a illas máxicas acompañando a unha estirpe de mulleres fabulosas que derivarán en plantas (como Dafne

Dafne por Jakob Auer.

, como Mirra, como Sido…). Aínda que non nos quedaremos só en metamorfoses clásicas, pois a pretensión da autora ao longo das páxinas é ofrecer transformacións persoais de todo tipo, máxicas algunas, outras reais, onde todos podemos recoñecernos: o paso da infancia a madurez, a mudanza da amizade en amor, a conversión do temor en fortaleza…

En fin, unha homenaxe a Verne, que nunca está de máis, con firmes valores morais, aventura e lirismo.

E os fans dos xenios visionarios que visiten esta páxina e xa me vades dicindo…

La venganza del profesor de Matemáticas, de Sierra i Fabra

A vinganza do profesor de matemáticas foi o primer libro que limos no club de lectura de matemáticas este curso. Este libro é a segunda parte doutro libro, O asasinato do profesor de matemáticas, que xa léramos no club de lectura de hai dous anos e que gustárannos moito.

 Este en xeral tivo tamén unha boa valoración, mais aínda que o libro foi interesante e foi rápido de ler, para a maioría de nós resultounnos un pouco infantil. 

O libro trata de tres alumnos que van mal en matemáticas e que encima por causa do destino, estes coa intención de gastarlle unha broma a un compañeiro, teñen a mala sorte de acabar tirándolle un cubo de auga ó profesor de matemáticas, quen ten planeado xubilarse. Este antes de retirarse pretende darlles unha lección para demostrarlles que as matemáticas son moi importantes e os tres alumnos deberán ir á súa casa onde intentarán pasar as probas para aprobar a asignatura.

 Por Alejandra, 4º ESO

El secreto del fuego, de H. Mankel

Bueno, empezamos un curso novo con novas e moi interesantes lecturas. Desta volta comezamos a ler o libro do autor sueco Henning Mankel, moi coñecido polas súas novelas protagonizadas polo inspector Kurt Wallander, El secreto del fuego, unha obra de superación das máis fermosas que leramos.

 Nesta obra nárrasenos a vida dunha moza dun poboado moi pobre de Mozambique chamada Sofía, que, por desgraza, ve a súa vida truncada ao pisar unha mina antipersona, pero, aínda con todo na súa contra, consegue saír cara diante. É pois, no fondo, unha denuncia das duras condicións de moitos nenos afectados polas consecuencias das guerras en África.

 O que fai esta novela tan sumamente adictiva, que fai que te metas na pel de Sofía e chegues a imaxinar como se sinte, é que este libro está baseado en feitos reais, pois o autor confirma que coñece a Sofía e que por medio desta novela quere contar a súa historia. 

 A todos conmoveunos por suposto Sofía, pero tamén algúns dos personaxes que axudaron á nosa protagonista ao longo da súa historia. 

 Para que aprendas máis do problema que sofreu a nosa protagonista, Sofía, aquí tes un documental no que se explica brevemente a situación derivada do uso de minas antipersonais en diferentes países do mundo, entre eles Mozambique.

 Por Abraham, 1º BAC

Xa de volta

Un curso máis, iniciamos a nosa andaína. Como xa os botabamos moito de menos, aquí tedes xa a nova convocatoria para poder pertencer aos nosos selectos clubs de lectura. Veña, apurade porque a prazo remata o 30 de setembro. Ah, é BENVIDOS ao novo curso!